ત્રિશુળીયા ઘાટ ખાતે સવારે બસમાં ભયંકર અકસ્માત સર્જાયો હતો. નડિયાદ, કઠલાલ તથા આજુબાજુના વિસ્તારના 60થી વધુ મુસાફરો અંબાજીના દર્શન કરીને પરત ફરતા બસ પલ્ટી ખાતા અકસ્માત થયો હતો

*દાંતા ત્રિશુળીયા ઘાટ અકસ્માત*

*જિલ્લા કલેકટરશ્રીએ સિવિલ હોસ્પિટલની મુલાકાત લઈને ઘાયલ મુસાફરોના ખબર અંતર લીધા

*ઘાયલ મુસાફરોની સ્થિતિ સ્ટેબલ, સઘન સારવાર અર્થે આરોગ્યની ટીમ ખડેપગે : કલેકટરશ્રી મિહિર પટેલ

બનાસકાંઠા સ્થિત દાંતા ત્રિશુળીયા ઘાટ ખાતે સવારે બસમાં ભયંકર અકસ્માત સર્જાયો હતો. નડિયાદ, કઠલાલ તથા આજુબાજુના વિસ્તારના 60થી વધુ મુસાફરો અંબાજીના દર્શન કરીને પરત ફરતા બસ પલ્ટી ખાતા અકસ્માત થયો હતો. બનાસકાંઠા જિલ્લા કલેકટરશ્રી અને વહીવટી તંત્ર દ્વારા ત્વરિત સમયસૂચકતા દાખવી તમામ ઘાયલ મુસાફરોને દાંતા રેફરલ હોસ્પિટલ ખાતે પ્રાથમિક સારવાર અપાઇ હતી. જયારે 52 જેટલા ઘાયલ મુસાફરોને વધુ સારવાર માટે સિવિલ હોસ્પિટલ પાલનપુર ખાતે ખસેડાયા હતા.

જિલ્લા કલેકટરશ્રી મિહિર પટેલ અને જિલ્લા પોલીસ અધિક્ષકશ્રી અક્ષયરાજ મકવાણાએ દાંતા સ્થિત ત્રિશુળીયા ઘાટના અકસ્માત સ્થળ વિઝીટ લીધી હતી. જે બાદ તેઓએ સિવિલ હોસ્પિટલ પાલનપુર ખાતે ગંભીર રીતે ઘાયલ થયેલા મુસાફરોની મુલાકાત લીધી હતી. જિલ્લા કલેકટરશ્રીએ સિવિલ હોસ્પિટલની મુલાકાત લઈને ગંભીર અકસ્માત બાબતે સમગ્ર સ્થિતિનો તાગ મેળવ્યો હતો. તેમણે ઘાયલ લોકોને રૂબરૂ મળીને તેમના ખબર અંતર પૂછ્યા હતા.

આ તકે જિલ્લા કલેકટરશ્રીએ જણાવ્યું હતું કે, તમામ ઘાયલ મુસાફરોની સ્થિતિ અત્યારે સ્ટેબલ છે. પાલનપુર સિવિલ હોસ્પિટલ ખાતે ઘાયલોને સઘન સારવાર અર્થે આરોગ્યની ટીમ ખડેપગે છે. આ અકસ્માતમાં 02 પુરુષ અને 01 બાળક કુલ મળીને 03 લોકોનું નિધન થયું છે. આ અકસ્માત અંગે પોલીસ તપાસ ચાલી રહી છે…..

રાષ્ટ્રીય અંધજન મંડળ – ઇડરની દીકરીઓએ પ્રથમ નંબર મેળવી સંસ્થાને ગૌરવ અપાવ્યું

ગુજરાતી ફિલ્મ આલ્બમ બેસ્ટ સીને ફોટોગ્રાફી તરીકે વનરાજ થોરી એવોર્ડ થી સન્માનિત કરાયા

વડાલી શહેરના ચામુંડા માતાજી ના મંદિર ખાતે પંખી ઘરના ઉદ્ઘાટન નિમિત્તે સત્સંગ મેળાવડો યોજાયો

સાબરકાંઠાના લાંબડીયા ખાતે ખેડૂત સંમેલન કાર્યક્રમ થકી ખેતી વિષયક માર્ગદર્શન હાથ ધરાયુ

વડાલીના વડગામડા માંથી મોટર અને કુવાના કેબલ ની ચોરી થઈ

હઠોજ છાવણીમાં પુત્રવધુની ચાર શખસો એ માર માર્યો

લાયન્સ કલબ ઓફ થરાદ સીટી દ્વારા વાવ ધારાસભ્ય નો સત્કાર સમારોહ યોજવામાં આવ્યો.

ધાનેરા તાલુકા ના ધાખા કોટડા પાસે સર્જાયો અકસ્માત.