મહારાષ્ટ્ર ચૂંટણી પરિણામો પર સંજય રાઉતે ઉઠાવ્યા સવાલ, કહ્યું; કુછ તો લોચા હૈ.

મહારાષ્ટ્ર ચૂંટણી પરિણામો પર સંજય રાઉતે ઉઠાવ્યા સવાલ, કહ્યું; કુછ તો લોચા હૈ.

મહારાષ્ટ્ર વિધાનસભા ચૂંટણીના વલણોમાં, ભાજપ ગઠબંધન મોટી જીત તરફ આગળ વધી રહ્યું છે, જ્યારે વિપક્ષી છાવણીની બેચેની વધી રહી છે. ત્યારે સંજય રાઉતે કહ્યું છે કે આ જનતાનો નિર્ણય નથી. તેમણે કહ્યું કે એવું કેવી રીતે થઈ શકે કે શિંદેના તમામ ઉમેદવારો જીતી રહ્યા છે. રાઉતે કહ્યું કે એકનાથ શિંદેએ પહેલેથી જ કહ્યું હતું કે અમારો એક પણ ઉમેદવાર હારશે નહીં, અને વલણોમાં પણ તે જ દેખાય છે.

મહારાષ્ટ્ર વિધાનસભા ચૂંટણીમાં મતગણતરી ચાલુ છે. વલણો અનુસાર ભાજપ ગઠબંધનને પ્રચંડ બહુમતી મળતી જોવા મળી રહી છે. જેના કારણે વિપક્ષી છાવણીમાં બેચેની વધી ગઈ છે. વિપક્ષી જૂથ તરફથી શિવસેના ઉદ્ધવ ઠાકરે જૂથના નેતા સંજય રાઉતે પરિણામો પર સવાલો ઉઠાવ્યા છે. સંજય રાઉતે પરિણામોમાં અનિયમિતતાની આશંકા વ્યક્ત કરી છે.

સંજય રાઉતે કહ્યું છે કે આ મહારાષ્ટ્રના લોકોની ઈચ્છા ન હોઈ શકે, અમે મહારાષ્ટ્રના લોકો જાણીએ છીએ. સંજય રાઉતે કહ્યું છે કે આ જનતાનો નિર્ણય નથી. તેમણે કહ્યું કે એવું કેવી રીતે થઈ શકે કે શિંદેના તમામ ઉમેદવારો જીતી રહ્યા છે. રાઉતે કહ્યું કે એકનાથ શિંદેએ પહેલેથી જ કહ્યું હતું કે અમારો એક પણ ઉમેદવાર હારશે નહીં, અને વલણોમાં પણ તે જ દેખાય છે. આ કેવી રીતે શક્ય બની શકે? સંજય રાઉતે કહ્યું કે આ પરિણામો ન તો અમને સ્વીકાર્ય છે અને ન તો જનતાને.

રાઉતનો ભાજપ પર મોટો આરોપ

લોકસભા ચૂંટણીના પરિણામોનો ઉલ્લેખ કરતા સંજય રાઉતે કહ્યું કે ત્યારે પણ તેઓએ અમારી પાસેથી 4 કે 5 બેઠકો ચોરી લીધી હતી, ત્યારે પણ અમે આ પ્રશ્ન ઉઠાવ્યો હતો. સંજય રાઉતે મોટો આરોપ લગાવતા કહ્યું છે કે ભાજપની રણનીતિ છે કે મહારાષ્ટ્ર વિધાનસભામાં વિપક્ષના નેતાનું પદ કોઈને ન મળે.

જાણો શું છે સ્થિતિ

288 બેઠકોવાળી મહારાષ્ટ્ર વિધાનસભામાં બહુમતી મેળવવા માટે 145 બેઠકો જીતવી જરૂરી છે, પરંતુ મહાયુતિ ગઠબંધન 200થી વધુ બેઠકો પર આગળ છે. જ્યારે ટ્રેન્ડમાં મહાવિકા અઘાડી ગઠબંધન માત્ર 50 સીટો પર આગળ છે.

રિપોર્ટ -સંજય ગાંધી

મો-9998829887