ખેલમહાકુંભ 3.0 અંતર્ગત તાલુકાકક્ષા અને જિલ્લાકક્ષા સ્પર્ધાના કાર્યક્રમ અને સમય બાબત

ખેલમહાકુંભ 3.0 અંતર્ગત તાલુકાકક્ષા અને જિલ્લાકક્ષા સ્પર્ધાના કાર્યક્રમ અને સમય બાબત

ખેલમહાકુંભ 3.0 નું તાલુકાકક્ષા અને જિલ્લાકક્ષા સ્પર્ધાનુ આયોજન સાબરકાંઠા જિલ્લામાં દરેક તાલુકાના વિવિઘ સ્થળો ઉપર કરવામાં આવેલ છે. જે અન્વયે ઓનલાઇન રજીસ્ટ્રેશન કરેલ તમામ ખેલાડીઓને જણાવવાનું કે, તાલુકાકક્ષાની સ્પર્ધા તા.૦૪/૦૧/૨૦૨૫ થી તા.૧૨/૦૧/૨૦૨૫ દરમ્યાન અને જિલ્લાકક્ષા સ્પર્ધા ટીમ ઇવેન્ટ સ્પર્ધાઓનું આયોજન તા.૦૪/૦૧/૨૦૨૫ થી તા.૦૪/૦૨/૨૦૨૫ દરમ્યાન યોજાનાર છે. તેમજ જિલ્લાકક્ષા વ્યકિગત સ્પર્ધાઓનું આયોજન તા.૧૧/૦૧/૨૦૨૫ થી તા.૧૨/૦૨/૨૦૨૫ દરમ્યાન આયોજન કરવામાં આવેલ છે.જે સ્પર્ધાઓનો વિગતવાર કાર્યક્રમ https://khelmahakumbh.gujarat.gov.in/calendar લીંક ઉપર મૂકવામાં આવેલ છે. જેથી ભાગ લેનાર તમામ ખેલાડીઓએ ઉપરોકત વેબસાઇટ ખોલીને લીંક ઉપર કલીક કરી સાબરકાંઠા જિલ્લો સિલેકટ કરવાનો રહેશે. ત્યારબાદ સાબરકાંઠા જિલ્લાનો વિગતવાર કાર્યક્રમ જોવા મળશે. જે કાર્યક્રમના સમય પત્રક મુજબ ઓનલાઇન રજીસ્ટ્રેશન કરેલ તમામ ખેલાડીઓએ ભાગ લેવાનો રહેશે. સ્પર્ધા સવારે ૦૮:૦ કલાકે શરૂ થશે. જેથી ભાગ લેનાર તમામ ખેલાડીઓ/ટીમોએ સ્પર્ધા સ્થળે સમયસર પહોંચી જવાનું રહેશે.એમ જિલ્લા રમત ગમત અધિકારીની એક અખબારી યાદીમાં જણાવાયુ છે.

બ્યુરો રિપોર્ટ. વિશાલ ચૌહાણ એક ભારત ન્યુઝ