શ્રી સનવાવ પ્રાથમિક શાળામાં નેશનલ ગર્લ્સ ચાઈલ્ડ સપ્તાહ ની ઉજવણી કરવામાં આવેલ.આ કાર્યક્રમ અંતર્ગત કન્યા કેળવણી જાગૃતિ માટેની રેલી, કન્યા કેળવણી જાગૃતિ અંગેના નાટક, સખીઓ સાથેનો વાર્તાલાપ,પોકસો એકટની માહિતી જેવાં કાર્યકમો રજૂ કરવામાં આવેલ.સમગ્ર કાર્યક્રમનું સંચાલન શાળા પરિવારના શિક્ષક બહેનો નિવ્યાબેન ચંડેરા અને ભાવનાબા જાડેજા દ્વારા કરવામાં આવ્યું હતું.
*નેશનલ ગર્લ ચાઈલ્ડ ડે 24 જાન્યુઆરીએ કેમ મનાવાય છે*
(નેશનલ ગર્લ ચાઈલ્ડ ડે 2025): ભારતમાં પ્રતિ વર્ષ 24 જાન્યુઆરી એ રાષ્ટ્રીય બાલિકા દિવસ મનાવવામાં આવે છે. આ દિવસ ઉજવવાની શરુઆત વર્ષ 2008 થી કરવામાં આવી હતી. મહિલા અને બાળ વિકાસ મંત્રાલય દ્વારા પહેલી વાર 24 જાન્યુઆરી 2008 માં રાષ્ટ્રીય બાલિકા દિવસની ઉજવણી કરવામાં આવી હતી.આજે લગભગ દરેક ક્ષેત્રમાં દેશની દીકરીઓની ભાગીદારી છે, પરંતુ ઘણા પરિવારો એવા છે જે દીકરીઓને જન્મ આપવા માંગતા નથી. એટલા માટે તેઓ તેમને ગર્ભમાં જ મારી નાખે છે. દેશમાં ગર્લ ચાઇલ્ડ ડે ઉજવવા પાછળનો સૌથી મોટો હેતુ છોકરીઓને સહાય અને વિવિધ તકો પૂરી પાડવાનો છે. નેશનલ ગર્લ ચાઇલ્ડ ડે નિમિત્તે દર વર્ષે ભારત સરકાર દ્વારા અલગ અલગ થીમ રાખવામાં આવે છે. આવો જાણીએ નેશનલ ગર્લ ચાઇલ્ડ ડે સાથે જોડાયેલ ઇતિહાસ, મહત્વ અને અન્ય માહિતી.ભારતમાં દર વર્ષે 24 જાન્યુઆરીએ નેશનલ ગર્લ ચાઇલ્ડ ડે ની ઉજવણી કરવામાં આવે છે. રાષ્ટ્રીય કન્યા દિવસનું મહત્વ ઘણું વધારે છે, તેનાથી કન્યા શિક્ષણ, સ્વાસ્થ્ય અને રોજગાર પ્રત્યે જાગૃત થાય છે
*નેશનલ ગર્લ ચાઇલ્ડ ડે નો ઇતિહાસ*
વર્ષ 2008માં મહિલા અને બાળ વિકાસ મંત્રાલયની પહેલથી નેશનલ ગર્લ ચાઇલ્ડ ડેની શરૂઆત કરવામાં આવી હતી. આ દિવસની શરૂઆત કરવાનો હેતુ દેશભરની છોકરીઓને સશક્ત બનાવવાનો હતો. વિવિધ મંત્રાલયો અને અન્ય ઘણી સંસ્થાઓ રાષ્ટ્રીય બાળકી દિવસ નિમિત્તે વિવિધ કાર્યક્રમોનું આયોજન કરે છે. છોકરીઓ દ્વારા સામનો કરવામાં આવતી અસમાનતાઓ અને તેમના સશક્તિકરણના મહત્વ વિશે જાગૃતિ લાવવા માટે વિવિધ કાર્યક્રમોનું આયોજન કરવામાં આવે છે. દર વર્ષે 24 જાન્યુઆરીએ તમામ રાજ્યોમાં અલગ અલગ રીતે તેની ઉજવણી કરવામાં આવે છે. રાજ્ય સરકારો તેમના સ્તરે ઝુંબેશ શરૂ કરે છે અને દેશભરની છોકરીઓની સુધારણા પર કામ કરવા માટે નીતિઓ બનાવે છે
રીપોર્ટ: ધર્મેશ ચાવડા ગીર ગઢડા
Users Today : 155
Views This Month : 4712
