સાબરકાંઠા જિલ્લા વહીવટી તંત્ર દ્વારા હિંમતનગર નજીક હાઈવે પર અકસ્માત અંગે યોજાઈ મોકડ્રીલ યોજાઈ.
૧૦૮, પોલીસ, ફાયર અને RTO ના બહેતર સંકલનથી ‘ગોલ્ડન અવર’માં માત્ર ૩૩ મિનિટમાં સફળ રેસ્ક્યુ ઓપરેશન પાર પડાયું. સાબરકાંઠા જિલ્લા વહીવટી તંત્ર દ્વારા આપાતકાલીન સ્થિતિમાં રાહત-બચાવ કામગીરીની સજ્જતા અને વિવિધ વિભાગો વચ્ચેના પરસ્પર સંકલનને ચકાસવા માટે એક ખાસ મોકડ્રીલનું સફળ આયોજન કરવામાં આવ્યું હતું.
હિંમતનગર તાલુકાના માથાસુલીયા ગામ પાસે શામળાજી-હિંમતનગર હાઈવે પર માર્ગ અકસ્માતની કૃત્રિમ ઘટના ઊભી કરીને આ સજ્જતા ચકાસવામાં આવી હતી.ઘટનાનો સિનારીયો અને બચાવ કામગીરી મોકડ્રીલ અંતર્ગત હાઈવે પર બે કાર વચ્ચે ગંભીર અકસ્માત થયો હોવાની સ્થિતિ નિર્માણ કરાઈ હતી. એક કારમાં ડ્રાઇવર તથા બીજી કારમાં ડ્રાઇવર સહિત ત્રણ મુસાફરો ફસાયા હોવાની માહિતી સવારે ૧૧:૨૩ કલાકે ડિઝાસ્ટર કંટ્રોલ રૂમને આપવામાં આવી હતી.
કોલ મળતા જ તમામ સંબંધિત વિભાગો તુરંત એક્શનમાં આવ્યા હતા:
૧૦૮ એમ્બ્યુલન્સ: સ્થળ પર પહોંચી પ્રથમ કારમાંથી ડ્રાઇવરને બહાર કાઢી પ્રાથમિક સારવાર અર્થે હોસ્પિટલ ખસેડ્યા.
ફાયર બ્રિગેડ: હિંમતનગર ફાયર ટીમ દ્વારા ખાસ રેસ્ક્યુ સાધનોનો ઉપયોગ કરી બીજી કારમાં ફસાયેલા મુસાફરોને બહાર કાઢી ૧૦૮ ટીમને સુપ્રત કરાયા.
પોલીસ (૧૧૨) અને RTO: વાહનવ્યવહાર નિયંત્રણ અને ટ્રાફિક વ્યવસ્થા સાચવવામાં ઝડપી સહયોગ આપ્યો.
સમય કામગીરી
૧૧:૨૩ AM કંટ્રોલ રૂમને અકસ્માતનો કોલ મળ્યો
૧૧:૫૬ AM તમામ ફસાયેલા નાગરિકોનું રેસ્ક્યુ અને કામગીરી પૂર્ણ
કુલ સમય માત્ર ૩૩ મિનિટ
આ મોકડ્રીલ દરમિયાન મામલતદારશ્રી (ડિઝાસ્ટર), આર.ટી.ઓ. ઇન્સ્પેક્ટરશ્રી, ગાંભોઈ પોલીસ સ્ટેશનનો સ્ટાફ, હિંમતનગર ફાયર ટીમ તેમજ સ્થાનિક ગ્રામજનો ઉપસ્થિત રહ્યા હતા અને તમામ વિભાગોની કામગીરીને બિરદાવવામાં આવી હતી.
બ્યુરો રિપોર્ટ …વિશાલ ચૌહાણ સાબરકાંઠા
મો ન 9998340891
