અધિક નિવાસી કલેકટરશ્રીના અધ્યક્ષસ્થાને જિલ્લાની નાગરિક પુરવઠા અને ગ્રાહક સુરક્ષા સલાહકાર સમિતિની બેઠક યોજાઇ
તાપી જીલ્લો રાશન ઈ-કેવાયસી પરફોર્મન્સમાં સમગ્ર ગુજરાતમાં પ્રથમ ક્રમાંકે છે.
સંજય ગાંધી,તાપી તા.૧૬
અધિક નિવાસી કલેકટરશ્રી આર.આર. બોરડના અધ્યક્ષસ્થાને જિલ્લાની નાગરિક પુરવઠા અને ગ્રાહક સુરક્ષા સમિતિની બેઠક યોજાઇ હતી.
આ બેઠકમાં ગ્રામ્ય તથા તાલુકા કક્ષાની તકેદારી સમિતિની રચના તેમજ બેઠક મળવા બાબતે સમીક્ષા કરવામાં આવી હતી. વ્યાજબી ભાવોની દુકાનમાં તમામ ગ્રાહકો માટે ઈ-કેવાયસી ફરજીયાત થાય તે માટે ચર્ચા કરવામાં આવી હતી. પુરવઠા અધિકારીશ્રીએ નિવાસી અધિક કલેકટરશ્રીને માહિતગાર કર્યા હતા કે આપણો જીલ્લો ઈ-કેવાયસીની બાબતમાં સમગ્ર ગુજરાતમાં પ્રથમ ક્રમાંકે છે. ગત માસે તાપી જિલ્લામાં રાષ્ટ્રીય અન્ન સલામત કાયદા હેઠળ ૯૭.૪૫ ટકા રેશનકાર્ડ ધારકોએ ગત માસમાં જિલ્લાની તમામ વ્યાજબી ભાવની દુકાનો ખાતેથી અનાજ પ્રાપ્ત કર્યું છે તેમ જિલ્લા પુરવઠા અધિકારીશ્રી દ્વારા જણાવવામાં આવ્યું હતું.
FPS દ્વારા ૧૦૦% આધાર વેરિફાઇડ અનાજનું વિતરણ કરવા અંગે, જરૂરી જગ્યાએ રેશનિંગ દુકાનોના સ્થળમાં ફેરફાર કરવા અંગે, ચાર્જમાં ચાલતી વ્યાજબી ભાવની દુકાનોની સમીક્ષા તથા છેલ્લા માસ દરમિયાન NFSA હેઠળ નવા સમાવેશ થયેલ રેશનકાર્ડ, વ્યાજબ ભાવોની દુકાનોની તાપાસણી, વન નેશન વન કાર્ડના લાભાર્થીઓમાં થતા વધારા અંગે વિગતવાર ચર્ચાઓ કરી સૂચનો કર્યા હતા. ઉપરાંત અધિક નિવાસી કલેકટરશ્રીએ પ્રાંત અધિકારીશ્રીઓ દુકાનો પર અને સ્થળ પર તપાસ કરે તેવી ટકોર કરી હતી. ખાંડ, મીઠું, ઘઉ, તેમજ તેલ જેવા આનજની ગુણવતા ખાસ જોવા માટે પણ સૂચન કર્યું હતું.
આ બેઠકમાં, અધિક નિવાસી કલેકટરશ્રી, જિલ્લા પુરવઠા અધિકારીશ્રી સહિત જિલ્લાની નાગરિક પુરવઠા અને ગ્રાહક સુરક્ષા સમિતિના વિવિધ સભ્યો ઉપસ્થિત રહ્યા હતા.
Users Today : 148
Views This Month : 4701
