નાળિયા માંડવી ગામે જુગારધામ ઝડપાયું: 9 શખ્સો રૂ. 52,500 રોકડ સાથે ઝડપાયા

નાળિયા માંડવી ગામે જુગારધામ ઝડપાયું: 9 શખ્સો રૂ. 52,500 રોકડ સાથે ઝડપાયા

ઉના, તા. 2 જૂન 2025 – ગીર-સોમનાથ જિલ્લાના ઉના તાલુકાના નાળિયા માંડવી ગામમાં ક્રાઈમ બ્રાન્ચે એક સફળ ઓપરેશન પાર પાડી જાહેરમાં ચાલતા જુગારધામનો પર્દાફાશ કર્યો છે. નાળિયા માંડવી ગામના નવાપરા વિસ્તારમાં જુગાર રમતા 9 શખ્સોને રૂ. 52,500ની રોકડ રકમ સાથે ઝડપી પાડવામાં આવ્યા છે.પ્રાપ્ત વિગતો અનુસાર, ગીર-સોમનાથ ક્રાઈમ બ્રાન્ચને બાતમી મળી હતી કે નાળિયા માંડવી ગામના નવાપરા વિસ્તારમાં કેટલાક શખ્સો જાહેરમાં જુગાર રમી રહ્યા છે. આ બાતમીના આધારે ક્રાઈમ બ્રાન્ચની ટીમે તાત્કાલિક દરોડો પાડ્યો હતો.પોલીસે દરોડા દરમિયાન જુગાર રમતા 9 શખ્સોને રંગે હાથે ઝડપી પાડ્યા હતા. પોલીસે તેમની પાસેથી દાવ પર લાગેલા રૂ. 52,500 રોકડા જપ્ત કર્યા હતા.પકડાયેલા આરોપીઓના નામ:પોલીસે ઝડપાયેલા આરોપીઓના નામ જાહેર કર્યા છે, જેમાં નીચેના શખ્સોનો સમાવેશ થાય છે: પ્રકાશ પ્રેમજી જાદવ,સમીર ઉર્ફે બાડો ઇસુબ સુમરા,રજાક ઉર્ફે મચ્છર હનીફ ચાવડા,ઇમ્તિયાઝ ઉર્ફે રાવડી દાદાન સુમરા, ઉસ્માન ઉર્ફે બાબા બશીરશા શામદાર,જલાલખાન અસલમખાન પઠાણ,સલમાન ઉર્ફે સલ્લુ હબીબ શેખ,ફારૂક હનીફભાઇ મુલ્લા, તારીફ ઉર્ફે તલવાર સતાર સુમરા પોલીસે આ તમામ આરોપીઓ વિરુદ્ધ જુગારધારાની સંબંધિત કલમો હેઠળ ગુનો નોંધી કાયદેસરની કાર્યવાહી હાથ ધરી છે. જાહેર સ્થળે જુગાર રમતા ઝડપાયેલા આ શખ્સો સામે કડક કાર્યવાહી કરવામાં આવી રહી છે, જેથી આવા ગેરકાયદેસર પ્રવૃત્તિઓ પર અંકુશ લાવી શકાય.આ દરોડાથી સ્થાનિક વિસ્તારમાં ગુનાહિત પ્રવૃત્તિઓ પર અંકુશ લાવવામાં પોલીસને સફળતા મળી છે.

બ્યુરો રિપોર્ટ ધર્મેશ ચાવડા