બી. જી. શાસ્ત્રી હાઈસ્કૂલમાં રક્ષાબંધન પર્વની રંગેચંગે ઉજવણી

બી. જી. શાસ્ત્રી હાઈસ્કૂલમાં રક્ષાબંધન પર્વની રંગેચંગે ઉજવણી

વડાલી શહેરની બી. જી. શાસ્ત્રી હાઈસ્કૂલ ખાતે રક્ષાબંધન પર્વની ભાવભીની અને ઉત્સાહસભર ઉજવણી કરવામાં આવી હતી. શાળાના KG-1થી લઈને ધોરણ ૫ સુધીના નાના ભૂલકાઓએ રક્ષાબંધનના પવિત્ર તહેવારની હર્ષોલ્લાસ સાથે ઉજવણી કરી હતી.

રક્ષાબંધન નિમિત્તે શાળામાં ખાસ આયોજન કરવામાં આવ્યું હતું. આ પ્રસંગે નાની દીકરીઓ દ્વારા પોતાના ભાઈઓને કુમકુમનું તિલક કરી પ્રેમ અને લાગણી સાથે રાખડી બાંધવામાં આવી હતી. રાખડી બાંધ્યા બાદ ભાઈઓને મોં મીઠું કરાવવામાં આવ્યું હતું. ભાઈ-બહેનના પવિત્ર પ્રેમ અને લાગણીનું પ્રતિક એવા રક્ષાબંધન પર્વની ઉજવણીથી શાળાનું વાતાવરણ પણ આનંદમય બની ગયું હતું.

રાખડી બંધાવ્યા બાદ નાના ભૂલકાઓ દ્વારા પોતાની બહેનોને ભેટ આપી રક્ષાબંધનના પર્વની ખુશી વ્યક્ત કરવામાં આવી હતી. નાનકડા ભૂલકાઓમાં રાખડી બંધાવવાનો અને બહેનોને ગિફ્ટ આપવાનો ભારે ઉત્સાહ જોવા મળ્યો હતો. સમગ્ર કાર્યક્રમ દરમિયાન બાળકોના ચહેરા પર ખુશી અને ઉત્સાહ જોવા મળ્યો હતો.

શાળા દ્વારા બાળકોને રક્ષાબંધન પર્વનું મહત્વ સમજાવવામાં આવ્યું હતું. ભાઈ-બહેન વચ્ચેનો પ્રેમ, લાગણી, સ્નેહ અને એકબીજાની રક્ષા કરવાની ભાવનાને ઉજાગર કરતો આ તહેવાર બાળકો માટે આનંદની સાથે સંસ્કાર અને ભારતીય પરંપરાનું જ્ઞાન આપનારો પણ બન્યો હતો.

શાળાના શિક્ષકોએ પણ વિદ્યાર્થીઓને રક્ષાબંધન પર્વની શુભેચ્છાઓ પાઠવી હતી. સમગ્ર કાર્યક્રમ દરમિયાન નાના બાળકો દ્વારા ઉત્સાહપૂર્વક ભાગ લેવામાં આવતા શાળાનું વાતાવરણ રક્ષાબંધનની ખુશીઓથી ગુંજી ઉઠ્યું હતું.

આ રીતે બી. જી. શાસ્ત્રી હાઈસ્કૂલમાં KG-1થી ધોરણ ૫ સુધીના વિદ્યાર્થીઓ દ્વારા રક્ષાબંધન પર્વની રંગેચંગે અને હર્ષોલ્લાસપૂર્વક ઉજવણી કરવામાં આવી હતી.

બ્યુરો રિપોર્ટ : વિશાલ ચૌહાણ, સાબરકાંઠા

મો. 9998340891