સાબરકાંઠા જિલ્લાના વડાલી ખાતે સમગ્ર પંથકમાં અરેરાટી મચાવી દે તેવી ઘટના બની 

સાબરકાંઠા જિલ્લાના વડાલી ખાતે સમગ્ર પંથકમાં અરેરાટી મચાવી દે તેવી ઘટના બની

વડાલી શહેરમાં પતિએ પત્નીને તીક્ષ્ણ હથિયારનો ગરદન પર ઘા મારીને કરપીણ હત્યા કરી

વડાલી નગરમાં આવેલ સગરવાસમાં મગનભાઈ સગર નામના શખ્સ દ્વારા પોતાની પત્નીની કરપીણ હત્યા કરતા સમગ્ર વડાલી પંથકમાં ચકચાર મચી જવા પામી હતી

પ્રાપ્ત વિગત અનુસાર વડાલી નગરમાં આવેલ સગરવાસમાં રહેતા મગનભાઈ દેવકરણભાઈ સગર જેમની ઉંમર આશરે 35 વર્ષ અને તેમની પત્ની નામે લક્ષ્મીબેન અને આશરે 10 વર્ષની દીકરી સાથે રહેતા હતા. તારીખ 31 ઓગસ્ટના રોજ બપોરના સુમારે અગમ્ય કારણોસર બંને વચ્ચે વિવાદ થતા મગનભાઈ સગર દ્વારા તેમની એકની એક દીકરીની સામે જ પોતાની પત્ની નામે લક્ષ્મીબેન ને ગળા અને મોં ના ભાગે ધારિયાના ઘા ઝીંકી દીધા હતા જેને લઇ લક્ષ્મીબેન નું સ્થળ ઉપર જ મૃત્યુ થયું હતું આ બાબતની જાણ વડાલી પોલીસને થતા તાત્કાલિક ઘટના સ્થળે દોડી ગઈ હતી અને સમગ્ર પરિસ્થિતિને ધ્યાનમાં લઇ આરોપી મગનભાઈ ને ઝડપી જેલના હવાલે કર્યો હતો ઘટનાની સંવેદનશીલતા ને લઈ ઈડર થી ડી વાય એસ પી સાહેબ પણ તાત્કાલિક ઘટના સ્થળે આવી ઘટનાની નોંધ લીધી હતી આ સમગ્ર બાબતે મૃતક લક્ષ્મીબેન ના પિતા જીવણભાઈ શંકરભાઈ રહેવાસી ઈડરને જાણ થતા આરોપી મગનભાઈ વિરુદ્ધ એફ આઈ આર દાખલ કરી હતી. મૃતક લક્ષ્મીબેન ને વડાલી પી એસ આઈ જે એમ રબારી સાહેબ તથા તેમના સ્ટાફ દ્વારા પોસ્ટ મોર્ટમ રિપોર્ટ માટે સિવિલમાં મોકલી આપવામાં આવ્યા હતા અને આગળની કાર્યવાહી હાથ ધરી હતી

પત્રકાર વિશાલ ચૌહાણ સાબરકાંઠા